Мэдээлэл

ГССҮТөв MEEK MICROGRAFT-ийг түлэнхийн арьс нөхөх хагалгаанд хэрэглэж байна

Гэмтэл Согог Судлалын Үндэсний Төвийн Түлэнхий Нөхөн Сэргээх Мэс Заслын Тасгийн хагалгааны баг MEEK MICROGRAFT хэмээх дэвшилтэт технологийг нэвтрүүлэн түлэнхийн шарх ихтэй өвчтөнүүдийн арьс нөхөх мэс засалд ашиглаж эхэллээ.

Дэлхий дахинд MEEK Micrograft дэвшилтэт технологийг ихэвчлэн биеийн түлэгдэлтийн талбай 30%-с дээш хүмүүст хэрэглэж байна.

Шинэчлэгдсэн MEEK Micrograft нь донор арьсыг 1:3 1:4 1:6 1:9 гэх мэтээр сунгаж түлэгдэлтийн талбай ихтэй өвчтөний арьс нөхөх хагалгааны тоог бууруулж, шархны эдгэрэлтийг түргэсгэдгээрээ бусад арьс нөхөх аргуудаас ялгарах давуу талтай юм.

ГССҮТ-ийн ТНСМЗТасгийн эрчимт эмчилгээнд хэвтэж байсан бүх биеийн 55%, 3-р зэргийн түлэнхийн шархтай хүүхдэд MEEK Micrograft-ийг ашиглан арьс нөхөх мэс засал хийсэн. Мэс засал амжилттай болж хүүхдийн биеийн байдал сайжирч, шарх эдгэрч, эмнэлгээс гарсан.

MEEK Micrograft давуу талууд 

• Донор арьс маш бага шаарддаг

 • Том хэмжээгээр буюу 1:9 хүртэл тэлдэг

 • Бүхий л хэсгийг хэрэглэдэг тул илүүдэл арьс гарахгүй.

 • Арьсны арал нь ойрхон байдаг тул эдгэрэлт хурдан явагддаг.

 • Aрьсны арал нь тэгш хэмтэй байрладаг тул зөв эдгэрэлт явагддаг.

 • Зарим арьсны арал нь амжилтгүй болсон ч гэсэн бусаддаа нөлөөлөхгүй

 • Бага хэмжээгээр арьсыг тэлсэн тохиолдолд харьцангуй сорвижилт багатай

 • Хэрэглэхэд хялбар

 • Үрэвсэл бага явагддаг ба эдгэрэлтийн хурд түргэн  

Posted in Мэдээлэл

“ОСОЛ ГЭМТЛИЙН ШАЛТГААНТ ХҮҮХДИЙН ЭНДЭГДЛЭЭС СЭРГИЙЛЭХ НЬ” сэдэвт цахим сургалтыг зохион байгууллаа

Эрүүл мэндийн яамны 2019 оны 08 сарын 07-ны 7/3556 дугаарт албан тоот, Эрүүл мэндийн дэд сайдаар ахлуулсан “2019 оны эхний 5 сарын байдлаар хүүхдийн эндэгдлийн байдал, тулгамдсан асуудал”-ыг хэлэлцсэн хурлаас гарсан шийдвэрийн дагуу “ОСОЛ ГЭМТЛИЙН ШАЛТГААНТ ХҮҮХДИЙН ЭНДЭГДЛЭЭС СЭРГИЙЛЭХ НЬ”  сэдэвт мэргэжил, аргазүйгээр хангах цахим сургалтыг зохион байгууллаа.

Тус цахим сургалтаар ГССҮТөвийн нарийн мэргэжлийн эмч доорх 7 сэдвээр лекц уншиж, асуултанд хариуллаа.

  1. “Осол, гэмтлийн шалтгаант хүүхдийн эндэгдлийн байдал, түүний шалтгаан”
  2. “Осол гэмтлийн үеийн яаралтай тусламжийн ерөнхий зарчим”
  3. “Сэхээн амьдруулах суурь тусламж, анхааруулах зүйлс” 
  4. “Түлэгдлийн үеийн яаралтай тусламж, анхаарах зүйлс”
  5. “Гавал тархины гэмтлийн үеийн яаралтай тусламж”
  6. “Осол гэмтлийн үеийн тээвэрлэлтийн асуудал”
  7. “Хүүхдийн осол, гэмтлээс сэргийлэх зөвлөмж

Сургалтанд:

ГССҮТөвийн эмч, резидент эмч нар болон ХӨСҮТ-1, ЭХҮМҮТөв-6, УГТЭ-5, НЭМХ-1, Хүүхдийнт төв сувилал-1, Архангай-6, Баян-Өлгий-5, Баянхонгор-3, Булган-3, Говь-Алтай-4, Говьсүмбэр-1, Дархан-Уул-2, Дундговь-7, Орхон-5, Ховд-7, Увс-8, Хөвсгөл-7, Хэнтий-9 эмч хамрагдлаа.

Posted in Мэдээлэл

ГССҮТөв Кошин их сургуулийн ГОСПЕЛ эмнэлэгтэй гэрээ байгууллаа.

Гэмтэл Согог Судлалын Үндэсний Төв 2019 оны 08 дугаар сарын 30-ны өдөр Бүгд Найрамдах Солонгос улсын Бусан хотын Кошин их сургуулийн Госпел эмнэлэгтэй хамтын ажиллагааны гэрээ байгууллаа.

Тус арга хэмжээний үеэр Кошин их сургуулийн Госпел эмнэлгээс ерөнхий захирал Чой Ёон Сик, Дэд захирал Ким Дай Со, Мэдрэлийн мэс засалч Чо Хиюк Рэй, Сургалтын албаны дарга Сио Хиюн Вон нар хүрэлцэн ирж ГССҮТөвийн үйл ажиллагаатай танилцлаа.

Posted in Мэдээлэл

ГССҮТ, МҮХАҮТанхимтай хамтран ажиллах санамж бичиг байгууллаа

Гэмтэл Согог Судлалын Үндэсний Төв Монголын Үндэсний Худалдаа Аж Үйлдвэрлэлийн Танхимтай хамтран ажиллах Санамж бичиг байгууллаа.

Санамж бичгийн хүрээнд:

  • Бизнесийн аюулгүй орчин, хөдөлмөр хамгааллын чиглэлээр сургалт  сурталчилгаа явуулах, хөдөлмөр хамгаалал зөрчигдсөнөөс эрүүл мэндэд учирсан хор хохирол, түүнээс урьдчилан сэргийлэх чиглэлээр авах арга хэмжээний талаар бизнес эрхлэгч, аж ахуй нэгж, албан байгууллагуудад мэдээлэл зөвлөмж өгөх.
  • ГССҮТөв болон тус төвтэй хамтран ажилладаг ханган нийлүүлэгч компаниудыг Танхимаас зохион байгуулдаг үйл ажиллагаанд оролцуулах, мэдээ мэдээллээр хангах.
  • Компанийн нийгмийн хариуцлагын хүрээнд бизнес эрхлэгч аж ахуй нэгж, албан байгууллагууд ГССҮТ-д шаардлагатай байгаа тоног төхөөрөмжийн тусламж үзүүлэх, сайн дурын тусламжийн аян өрнүүлэх зэрэг ажлуудыг хийж хэрэгжүүлэхээр төлөвлөж байна.   
Posted in Мэдээлэл

ГССҮТӨВ ГАДААД ХАМТЫН АЖИЛЛАГААГАА ТЭЛСЭЭР БАЙНА

   2019 оны 8 дугаар сарын 9-ний өдөр Гэмтэл Согог Судлалын Үндэсний Төвийн ерөнхий захирлыг түр орлон гүйцэтгэгч Э.Галбадрах, Бүгд Найрамдах Солонгос улсын Ханган-Соо эмнэлгийн захирал Жан Ёон Чол нар хамтран ажиллах гэрээ байгууллаа.

  Эрүүл мэндийн салбарын мэргэжилтнүүдийг солилцон ажилуулах, мэдээллийн шинэ технологи нэвтрүүлэх, түлэнхий нөхөн сэргээх эмчилгээний талаарх мэдлэг, туршлага хуваалцах зэрэг олон чиглэлд харилцан ашигтай хамтын ажиллагаа өрнүүлэхээр талууд тохиролцов.

   Мөн Ханган-Соо эмнэлгийн захирал Жан Ёон Чол, ГССҮТөвийн ТНСМЗТасгийн эмч нартай хамтран 25 үйлчлүүлэгчид үзлэг оношлогоо хийж, 3 үйлчлүүлэгчид сорвины нөхөн сэргээх мэс засал хийлээ.

"Глобал Шейр" олон улсын хүмүүнлэгийн байгууллага нь Ханган-Соо эмнэлгийн захирал Жан Ёон Чолыг Монгол улсад урьж авч ирсэн бөгөөд Солонгос улсад мэс заслын эмчилгээ хийлгэх шаардлагатай 1 хүүхдийн эмчилгээний зардлыг бүрэн гаргаж эмчлүүлэхээр боллоо.

Posted in Мэдээлэл
1 | 2 | 3 | 4 | 5 | 6 | 7 | 8 | 9